早前同 許光漢 合演 由 張艾嘉 監製奇幻愛情片嘅 袁澧林 ，憑疫情期間拍攝，與張姐扮演母女嘅作品《二十四味》，獲新西蘭亞太電影節(NZAPFF)頒發「最佳女主角」獎，更係Angela從影以來首個獎項，一舉直接榮封影后殊榮。
Angela獲獎後指當初接到演出邀請時，一知有「張姐」張艾嘉參與，就直接答應接拍：「拍攝期間我喺張姐身上學到好多專業知識同表演心法。正因為這次合作，張姐籌備《他年·她日》時，亦提出要我飾演安晴呢個角色。」Angela特別感謝張艾嘉提攜同指導，同時亦感謝劇組疫情期間克服萬難完成拍攝，非常期待呢部作品能早日同大家見面。
黃綺玲導演兼編劇嘅《二十四味》，以電影記錄特殊時期嘅人文故事，演員包括張艾嘉同鍾鎮濤。故事講述出國多年重回故鄉嘅四月（袁澧林 飾），發現離異的父母早重拾舊好，年少時佢以極端自虐方式挽留出軌父親嘅記憶重現。
屋企經營嘅涼茶舖正面臨遷拆，四月要帶巧珍（張艾嘉 飾）出國生活，巧珍就希望繼續經營涼茶舖。重回家庭嘅落魄永堂（鍾鎮濤 飾）默默為巧珍籌措重開涼茶舖資金，拼盡全力但誤中騙局。四月更遇到頑強成長嘅同父異母妹妹小景，再將過去逃避嘅生活，時間以及自省逐步重拾。
