李冰冰近年減產享受人生 感恩過去十年經歷高低起跌

內地女星 李冰冰 近年減少幕前演出，反而經常去滑雪、騎馬享受人生，呢日佢優雅現身上海一個品牌展覽活動，同場仲有朱珠、王子文、于適、劉駿等。呢個展覽踏入第十個年頭，冰冰都有啲感觸，尤其回顧自己過去十年，人生都經歷過高低起跌，但無論順景或考驗，自己都會心存感恩。

因傷缺席今屆全運會嘅網球女王鄭欽文，唔單止充滿體育細胞，亦都具備模特兒嘅氣質，呢日佢以大露背現身，舉手投足都充滿住滿滿嘅自信。于適呢日嘅打扮成個白馬王子一樣，不過原來佢係帶病上陣，雖然身體虛弱，但係鏡頭前嘅佢依然表現專業。