龍婷廣州演唱會圓滿落幕 邀音樂人梁榮智合唱

龍婷 嘅巡迴音樂會廣州站日前圓滿落幕，作為中聲實力唱將嘅龍婷，無論快歌慢歌都輕鬆駕馭，令台下嘅歌迷聽得如痴如醉。呢晚佢就演唱咗幾首大家耳熟能詳嘅經典歌，好似《夕陽之歌》、《上海灘》、《讓一切隨風》等等。

難得嚟到廣州，龍婷亦好親民，特登走落台邊唱《漫步人生路》邊同觀眾近距離接觸。呢次嘅演唱會，龍婷更請嚟音樂人 梁榮智 合唱，而梁榮智更用小提琴為佢伴奏。下一站龍婷將會前往湛江演出，相信令唔少廣東歌迷都會非常期待呀。