近日澳門舉行年度格蘭披治大賽車，唔少朋友都有到當地襯熱鬧，其中正在當地拍攝新劇《璀璨之城》嘅 張曦雯 就同 江美儀 姜大衞 李琳琳 夫婦﹐趁拍攝空檔入場欣賞，仲直入維修站近距離接觸區域方程式賽車(Formula Regional)，仲同澳門車手梁翰昭以及車隊人員見面合照。
連日已有唔少到訪澳門嘅朋友，偶遇正於當地拍攝《璀璨之城》嘅劇組演員。好似 高海寧 於停機時為避長期著高踭鞋之苦換上拖鞋，就竟被指情緒出問題，而煒烈亦公開拍攝中途嘅情況，見佢同 陳煒 張智霖 吳卓羲 楊證樺 等等於餐枱前準備，似乎係一場非常嚴肅嘅戲份。
