凍齡女神 趙雅芝 為慶祝入行50周年兼11月15號嘅生日，日前喺杭州舉行一場《從藝50年時光派對》演唱會，唔少圈中好友都現身擔任嘉賓祝賀，好似呂良偉、張智霖、杜德偉、米雪同陳松伶等。
趙雅芝喺演唱咗多首經典歌曲，又以Rock爆造型挑戰打鼓，完美呈現多年嚟不斷進步精益求精嘅精神。其實趙雅芝從影多年來，有唔少經典角色都深入民心，包括《上海灘》中嘅馮程程及劇集《觀世音》中飾演觀世音。
好友 劉培基 亦喺社交平台開心分享派對相片，喺慶功宴上，趙雅芝絲毫未有疲態，仍然艷光四射。能夠舉辦一場成功嘅演出，兼且跟台下愛戴自己多年嘅粉絲共度紀念時刻，趙雅芝非常高興，老公黃錦燊則全程幫手招待出席慶賀嘅各界好友。
