天氣先生Freddy家族成員今現身 天氣仔仔帶狗狗台慶起會公眾

每日天氣報告中同大家「吖，哦」嘅天氣先生Freddy，孤獨咗咁多年之後，終於有伴喇！新成員天氣仔仔同天氣狗狗，今日趁台慶就會正式同大家喺天氣報告見面，為大家預告陰晴冷熱喇。

今次唔止新增新成員，就連環節當中嘅唔同天氣場景都會更新。其實Freddy多年來陪住大家，亦隨住時代不斷更新，好似由當年平面式動畫、到後來高清妝見人，而上次更新已係2009年改以立體動畫形式出現，今次加入全新天氣家族，相信會令大家更為留意天氣變化喇。