11月19號就係TVB台慶大日子，全台藝員都忙住為台慶表演進行排練，譚俊彥 張振朗 亦唔例外！
每年台慶都會有一個關於藝訓班嘅環節，講述同學努力奮鬥嘅心路歷程，本身都係藝訓班出身嘅Owen，已經連續幾年擔任呢個環節嘅表演嘉賓，佢就覺得呢個環節別具意義，因為可以令一眾新人有機會展示自己、亦令觀眾可以認識大家，所以佢都好鍾意做呢一Part。
而阿Shaun就話，今年最開心係要介紹一位新朋友俾大家，不過係邊個？佢就大賣關子。只係話自己識咗對方好耐，觀眾就未有咁多認識。
Owen今年重點介紹嘅藝訓班同學，就係憑《女神配對計劃》成功彈起嘅 林俊其 ，而阿Shaun介紹嘅就係同聲夢歌手 何晉樂 同名嘅另一位 何晉樂 ，兩位視帝唱得又演得，今次佢地就會以歌曲串連成個表演。
阿Shaun笑言，唱歌絕對難唔到振朗，佢哋五年前合唱《壯志驕陽》，五年後再次合唱，不過呢次亦會唱陳奕迅嘅《葡萄成熟時》，自己一直努力練習。至於Owen就感恩今年多咗唔少唱歌工作，令佢可以多咗機會唱歌。
《萬千星輝賀台慶》星期三晚 20:00 翡翠台