張玉珊 自從淡出演藝圈後就喺商界大展拳腳。久未喺幕前同大家見面嘅佢，日前現身一個頒獎典禮，獲頒大灣區傑出關愛女企業家獎，表揚佢嘅商界領域嘅卓越表現。
Shirley對於得獎表示感恩，加上獎項同慈善有關，佢就話呢個殊榮會成為佢嘅推動力，令佢做多啲，希望為大家帶嚟更大貢獻。至於企業大計，Shirley就話自己唔會同以前一樣經常喺前線，但會喺幕後做投資，商業版圖涉各行各業。
事業得意嘅同時，Shirley喺感情方面一樣有好消息，就係一年多前，Shirley已經接受咗男友盧啟賢嘅求婚，不過Shirley對求婚細節同婚期就貫徹低調嘅作風，只係話男友喺朋友見證下進行呢件事。雖然事業好忙，不過Shirley都話自己識分配時間，三分一做慈善、三分一俾工作、三分一俾生活。
