曾拍《華燈初上》、現年37歲嘅台灣女星劉品言，於19號宣布平安誕下囡囡，佢喺社交平台晒出囡囡嘅小腳板照，並於帖文寫道：「歡迎你來到這世界上，謝謝你選擇了我們成為你的父母。臉圓圓，鼻子高高，腳長長，應該是衝著漂亮來的吧😍」同時劉品言亦感謝老公連晨翔一直守候在旁，冧爆表示：「在你眼裡的迷之角度，你都說我跟女兒很漂亮」
晉升為女兒奴嘅連晨翔，亦喺社交平台晒出自己抱住小公主嘅照片，連晨翔望住囡囡嘅眼神相當寵溺，佢喺帖文中寫道：「從第一眼看到妳開始，我承認我已經是女兒傻瓜。我好愛妳們，最大願望就是妳們倆位公主都要平安幸福快樂。 我會好好照顧這個家，辛苦老婆了謝謝妳❤️ @esther88」。
劉品言今年6月宣布與細自己四年嘅台灣男星連晨翔結婚，二人於7月登記結婚，由於懷孕關係，故二人計劃等囡囡出世後再舉行婚禮。
