前男團Shine成員 黃又南 係愛車之人，除咗有賽車呢個愛好，近年更趁娛樂圈工作大減不斷增值，先後考獲多個唔同車牌，連十多公尺長嘅巴士亦都難佢唔到，早前仲成為兼職嘅巴士司機！
又南早前於自己嘅YouTuber頻道拍片駕駛巴士，當時表現有板有眼，佢隨後仲喺生日時出Post：「近年大環境不太好，在行業咁多年，都冇見過咁少電影開拍，但我依然始終如一，很喜歡演戲及表演工作。非常感恩，過去一年也有機會參與了一些電影及電視的演出，那怕戲份不算太多，但我都會好好珍惜每一個鏡頭的。」為挑戰自己亦考咗的士、紅Van及巴士牌。
近日就有網民出Post分享「野生捕獲」又南開工，唔少網民都話曾經喺搭車時遇過佢：「上次我上車見到佢就望到係佢，我同佢點下頭，佢又望住我點下頭，正常人搭車都唔會點頭有啲嘢大家心照。」亦讚賞又南自力更生，肯靠自己努力，而且做兼職車長收入可觀，月薪足足有18000蚊，仲可以做二休一。
