陳自瑤近年憑出色嘅帶貨能力喺內地打響知名度，更成為吸金女王。不過Yoyo同王浩信嘅婚姻關係屢傳婚變，樸溯迷離，令外界不停估估估下。
日前Yoyo就喺社交平台曬出一輯旅遊靚相，寫下有感而發寫道：「去自己想去的地方，看自己想看的風景……」Yoyo言下之意，似乎想表達自己一個人去旅行都可以好精彩，更加自由自在。
有唔少網民都猜測Yoyo呢番話，同感情狀態有冇關係，加上早前佢同楊茜堯接受訪問時，茜堯由「繼續老公錫晒」改口講成「囡囡錫晒」，令大家都解讀成Yoyo已經低調回復單身。不過亦有人將重點擺返喺輯相度，大讚Yoyo好靚。
