妻夫木聰帶新作旋風到訪寶島 高興參加金馬影展與各位影人見面

日本型男妻夫木聰同新戲導演大友啟史日前現身台灣，參與金馬影展兼宣傳新戲。妻夫木聰同台灣好有淵源，喺日本擔任台灣觀光大使嘅佢，已經數唔清係第幾次到訪寶島，亦搞笑話，因為頻率太高太熟悉，幾乎唔記得帶護照添！
 
可以帶住新作嚟台灣，以及同各地優秀影人交流，都令妻夫木聰覺得好開心，就算自己喺日本有戲劇工作進行拍攝中，只係得少少時間，佢都要安排行程同大家見面。
 
妻夫木聰全程表現得輕鬆自在，仲應媒體要求不停擺出各種靚仔Post。佢形容台灣就好似自己第二個家，更分享一落機就即刻去自己最鍾意嘅餐廳食飯，同導演一齊食咗美味嘅蝦料理，令佢好滿足。