講到《美女廚房》，觀眾都會諗起風趣幽默、妙語連珠嘅名廚周中，佢更因此而意外爆紅，演出咗唔少戲劇同綜藝節目。
雖然近年周中間唔時都有露吓面，但年過70嘅佢喺2013年就被診斷出患上末期腎衰竭，要喺家中自行「洗肚」（腹膜透析），不過周中就以樂觀態度面對病魔。2022年佢為飲食節目《黃金盛宴》擔任嘉賓，2023年亦有亮相黎耀祥主持嘅《請客必食18道菜》。
近日有網民喺社交平台分享周中近照，從相中可見，與朋友聚會食飯嘅周中，雖然已經滿頭白髮，連眉毛都變白，身形亦清減唔少，但好在氣息唔錯，好有精神！
