71歲嘅美魔 女趙雅芝 ，同第二任老公 黃錦燊 嘅38歲細仔 黃愷傑 ，早前宣布同內地女星 湯暢 結婚，湯暢細黃愷傑10年，曾經喺大熱劇集《繁花》當中飾演「小文」一角。
黃愷傑透露同湯暢喺今年七夕(8月29日)簽字結婚，當時佢哋一齊拍緊電影《捕風追影》，黃愷傑話結婚係人生大事，感激劇組允許佢哋小倆口喺緊張嘅拍攝中請假一日完成手續。
今個月15號趙雅芝舉行出道50周年演唱會，湯暢亦有同老公一齊到場支持奶奶，當日趙雅芝二仔嘅愛女都有出席，唔少網友見到大合照都大讚趙雅芝嘅孫女好靚女，完全遺傳嫲嫲嘅高顏質。
