第62屆台灣電影金馬獎即將於22號晚登場，21號中午舉行入圍午宴，率先頒發兩個獎項，包括「國際影評人費比西獎」以及「觀眾票選最佳影片」，當中由香港男星 Will Or 柯煒林 主演嘅電影《大濛》就收到最多影迷青睞，勇奪「觀眾票選最佳電影」。Will第一時間喺IG分享電影得獎嘅喜悅，佢同戲中兩位女主角 方郁婷 以及 9m88 仲開心到即場跳舞。
Will憑《大濛》入圍今屆金馬影帝，佢喺戲中台語、廣東同國語切換自如，為角色做足功課，由年輕演到老，精湛演技被視為今屆影帝大熱。不過佢嘅對手亦不容小覷，包括本身已經係金馬影帝嘅張震，以及第三次入圍嘅張孝全。
