今日係阿Sa 蔡卓妍 43歲生日,壽星女一到午夜,就貼長文同大家分享自己嘅感受,雖然指自己體重踏入歷年高峯,不過一直偏瘦嘅阿Sa略為長肉相信唔會減少大家對佢嘅喜愛嘅。近日已分別同唔同朋多次慶祝嘅佢,新近再次投入愛海,而健身教練男友Elvis亦現身慶祝相片當中,直接曬恩愛。
![]()
阿Sa同大班好友於遠眺維港景致嘅場地慶祝生日,獲送上多個蛋糕為壽星女與同日生日嘅 C君 相約一齊慶祝,大班好友包括 關智斌 張繼聰 AGA 同未婚夫的士邦 陸永 甘永傑 曾樂彤 陳逸寧 等同唔少圈外朋友都有一齊參與。阿Sa分享自己嘅感受時寫道:![]()
又到一年一度嘅生日啦🥳
對於我呢個鍾意搞活動又有啲啲儀式感嘅人嚟講 每年生日要點樣過都係一個值得思考嘅題目
形式可以有好多種但其實都不外乎同自己愛又愛自己嘅人一齊 食好多好多餐好味生日飯 吹好多蠟燭食好多個生日蛋糕 被滿滿嘅愛意包圍🥰
![]()
今年嘅生日係我歷年體重最高峰📈 但係!又如何呢😗 每次別人談論年紀嘅時候我都會唔小心講錯自己嘅年齡(唔係特登㗎😅)
好似人到咗某一個階段開始 有一啲嘢會變得更加冇所謂 比如年齡 比如體重
你嘅內心會話俾自己聽 你想要乜嘢 乜嘢先至係人生裡面重要嘅組成部分
然後將佢哋重新排列組合 尤其係今年經歷咗一啲至親朋友嘅疾病或者告別
我變得更珍惜當下 珍惜身邊人 珍惜健康![]()
可能有啲粉絲朋友會覺得我今年冇以往咁「努力」 但其實我只係將一部分努力放咗喺其他部分
或許人喺唔同階段需要努力嘅部分真係唔一樣 今次係我主動提出想要影一組生日相 因為我想記錄吓今年嘅我係點樣
或許下年我會再多一條皺紋又或許我下年嘅體重會再創高峰但係都唔重要lu
我知道我走嘅每一步都係我努力經營同選擇嘅 我知道我係開心嘅 我知道我身邊一直有愛我嘅人
而我愛嘅人亦都從未離開 生日快樂唔止今日
希望你哋都係🥰![]()
而C君亦都出Post話:過咗12點先敢Po,又過到一年喇,多謝 @choisaaaa 邀請,約咗咁耐終於可以一齊慶生,識咗好多新朋友,多謝大家🙏 願望係聽日可以全日打機!
![]()