由 王大陸 勾起嘅台灣男星一片閃兵事件，隨住當地執法部門上月大舉出動，而引發一連串風波，多名男星分別被拘捕調查，而當日正準備於加拿大拍攝節目外景嘅 謝坤達 ，收到消息後亦即時上機返台灣投案。
事後有消息指，控方有意向閃兵男星求刑32個月，相信大量工作會受影響，亦將引發賠償潮。坤達出事後，其妻 柯佳嬿 首度現身，為新劇作參與宣傳，於記者會出現時明顯心情緊張，同往日泰然自若大相徑庭。
佢受訪時提到演出視障角色前曾探訪失明人士中心了解，而當傳媒問到戲肉時，佢亦努力以幽默化解尷尬，指夫妻心情目前「還好」，坤達亦反省當中。簡短回應後活動公關已出聲解圍，而柯佳嬿亦自爆劇中將同曾敬驊有吻戲，將低沉嚴肅氣氛暫時化作笑聲。
