張家輝 當年於激戰中苦練多時練出一副強勁肌肉身材，片中佢扮演嘅賤輝中年潦倒周身債，後因為對朋友、生命價值嘅不甘重新出發，苦練半年日吞30隻蛋白同連日脫水，成就佢得到香港電影金像獎影帝殊榮。
十多年過去，賤輝近日不時以一身好武功同人爭的士，而取而代之嘅，就係照辦煮碗嘅 張繼聰 。佢2019年時參演新片，扮演嘅天才拳手角色因故入獄十年，重返社會後再次重看人生，亦同張家輝一樣狂操到極緻演出，拍攝後期更自掏腰包花6位數拭救幾乎無法完成嘅影片。近日仲同老婆 謝安琪 齊齊獨狂謝票，感激入場觀眾支持。
新片近日上映後成績不俗，星期六仲請到賤輝重出江湖，為佢嘅新作《金童》現身謝票。兩代型男一樣肌肉橫練，到底如果真係落場嘅話，賤輝勁啲定係金童強橫呢？
