辛芷蕾 憑電影《日掛中天》奪得「威尼斯影展」影后殊榮，佢聯同電影導演 蔡尚君 一齊作客《StarTalk》接受 王鎮泉 專訪。
兩人先後喺國際影展獲得佳績，對於現時華語電影喺國際影壇上越唔越有感染力，蔡導演覺得要繼續堅持原創，仲要有人文關懷嘅元素。13年前曾經喺柏林影展憑《長江圖》奪得「銀熊獎」，相隔多年再獲殊榮，辛芷蕾希望能夠令國際睇到中國電影有好多唔同類型嘅角色。
貴為影后嘅辛芷蕾覺得，仍然要將心情沉澱，好好專注角色同劇本，認真演好每一個角色。回顧演藝路，辛芷蕾學會自信，同時亦經歷過崩潰時候，佢話試過有幾年冇戲拍，有時會瞓喺馬路上喊，又諗過要轉行，試鏡又冇回覆，整個人進入抑鬱狀態。幸好佢懂得安慰自己，將一切視為經歷。
憑電影角色獲得影后，佢多得導演慧眼，蔡導演覺得辛芷蕾性格同骨子裡，都有一種勁力堅持去爭取目標，正正與角色特質吻合。換轉其他演員出演，可能都會演得好，但未必做到辛芷蕾咁有生命力嘅感覺。
辛芷蕾就指到現時歲數，特別想挑戰複雜嘅人性角色，不過佢都承認越生活化嘅角色，就越難去演好。佢又分享與張頌文同馮紹峰合作嘅感受，以及自己演繹一幕崩潰戲嘅事前準備。
場地提供：The Mira Hong Kong