新一季《中年好聲音》剛剛拉開戰幔，而於《中聲2》勇奪冠軍嘅 古淖文 ，事後即參與多個唔同演出，暑假亦重返出生地澳門開辦演唱會，。近日German又獲嘉許一眾製作優秀MV幕前表演者以及幕後工作人員嘅第7屆《澳!MV盛典》頒發多個獎項。
German今年先後推出兩首派台歌《Follow Me》同《Oh Yeah!》，兩個MV分別囊括多個獎項，當中包括「最佳MV表現歌手」、「最佳形象指導」、「最佳舞蹈編排」及「大灣區MV獎」。
German同《Oh Yeah!》MV導演Welby Chung及TMG代表上台領獎時，興奮表示：「除咗香港同澳門，更希望大灣區同全世界都可以睇到澳門嘅音樂同MV。」當晚German更首次同舞蹈團隊一齊現場表演《Oh Yeah!》舞步，令一眾澳門音樂人同數百到場支持Fans情緒高漲。
