今個月27號係鄭丹瑞嘅70歲生日，太太盧維思與兩個囡囡鄭瑤（Zaneta）、鄭珉（Amanda），以及一眾好友 俞琤、楊天命、連炎輝、夏竹欣、林珊珊長女李澄（西瓜）等日前為旦哥舉辦生日party慶祝。
與旦哥相識30多年嘅電台節目監製 光仔，帶同與對方嘅歷史照前來祝賀，佢又喺帖文中指，旦哥係自己嘅兒時電台偶像，亦係佢嘅前電台老闆，光仔又post出自己與旦哥一家十幾年前嘅合照，相中所見，保養得宜嘅旦哥，同而家個樣並冇太大分別呀。
另外，相當支持港產片嘅 連炎輝 ，日前就包場支持 張繼聰 嘅新片《金童》，當日出席撐場嘅仲有 李浩林 胡楓 姜大衞 李琳琳 等，而張繼聰同太太 謝安琪 及有份演出嘅 劉皓嵐 亦有出席。
