周吉佩 早前忙裡偷閒，趁台慶後即與太太及一對仔女去到泰國旅行，一家四口喺泰國瘋玩狂食，睇到網民流晒口水。
日前吉吉再次出PO，上載佢同家人穿上泰國傳統服飾嘅靚相，當中有吉吉同太太喺泰國鄭王廟前攜手合照、一家四口齊齊擺出雙手合十嘅照片、囡囡包包穿上白金色單肩泰服少女味十足嘅照片，當然唔少得吉嫂嘅絕美照啦！吉吉喺帖文中寫道：「今次影泰服，適逢泰國入冬，温度非常舒適，鄭王廟好靚，泰服好靚，影相公司服務好好，因為不停播我嘅歌，仲話《為何我比不上他》好好聽🥹！泰爽！」
由於今次去泰國食咗唔少好西，所以吉吉話已經預咗返香港後再瘋狂做gym還債喇。
