韓國搖滾男團 FTISLAND 日前於西沙GO PARK舉行演唱會，香港作為亞洲巡迴尾站，主唱李洪基 同貝斯手 李在真 以及鼓手 崔敏煥 以《Be Free》震撼開場，隨即連唱《Let it go！》、《Flower Rock》、《Time To》等多首經典。李洪基又向台下觀眾高呼「Are you ready Hong Kong?」點燃全場「PRIMADONNA」氣氛，展開整晚跳唱派對。
事隔一年再於現場開騷嘅三子表現興奮，李洪基率先同粉絲打招呼：「你哋坐喺度好舒服呀？大家現在覺得怎麼樣，準備好未？這是最後一場就唔好俾佢停。」
之後又提到 :「舊年曾經在這埸地同大家見面，有這些場地太好了，今晚是亞洲巡迴的最後一站，期望一起度過最有意義一晚。」而崔敏焕就坦言好掛住大家，又向粉絲抱歉。之後李洪基向Fans介紹另一位結他手大矢孝之，又取笑對方怕醜。隨後接連送上《.T.I.V (Tears In Vain)》、《Mitaiken Future》、《PUPPY》等熱門快歌，李洪基仲拎起花炮朝向觀眾席發射，將台上台下互動氣氛推向高潮。
李洪基坦言希望大家享受演出，又笑言一巡演非常疲憊，不過大家想見佢哋可以隨時電話聯絡，更笑指自己係大叔，粉絲們就係大嬸。 演唱會尾聲，FTISLAND再度登場獻上《Orange Days》、《疾風街道》等歌曲。而大會突然推出由粉絲準備嘅生日蛋糕，為崔敏煥慶生，令佢驚喜到眼泛淚光，仲承諾會以雙倍熱情同力量回饋樂迷。 FTISLAND最後再次Encore，唱出《CHAMPAGNE》，李洪基、李在真又向台下狂拋結他pick同香蕉，令大家爭相搶奪，更作狀將李在真嘅貝斯送予粉絲。
