胡渭康 一直致力行善，早前佢就聯同 顏志恒 劉威煌 同 何啟南 組義工團，先後喺南沙同佛山進行社區繪畫、植樹及禮儀培訓。近日佢哋再度出發去惠州，同自閉症小童一齊打非洲鼓、創作泥膠畫。
事前佢哋聽取專業義工講解自閉症特質同相處技巧，經過一日嘅義工服務交流，幾位藝人喺聯歡晚會上同大家唱歌、玩遊戲同樂。
今次係胡渭康第三次參加義工遊活動，走訪大灣區唔同地點進行義工服務， 佢話自己會繼續身體力行支持呢項活動，亦期望未來能夠同更多藝人朋友一同參與。
顏志恒就話：「每次參加義工活動，我都深刻體會到義工嘅無私奉獻。佢哋全心全意投入服務，令我感受到佢哋對社會嘅關懷同愛心。」
劉威煌就指自己被義工嘅熱情打動：「我希望利用自己嘅綿力，呼籲更多人加入義工行列。我相信每一份善意同付出都能夠照亮別人，為社會注入更多溫暖同正能量。」何啟南就認為一大班人嘅力量無限大：「今次活動唔止令小朋友感受社會溫暖，亦令我哋香港藝人同義工更了解內地特殊教育發展。」