改編自英國文豪狄更斯 家族作品，嘅動畫《萬王之王》將於聖誕期間上映，電影公司提供英語版本外，更為香港觀眾打造星級粵語配音版，由 朱栢康 鄭秀文 鄭進希 等豪華陣容獻聲，分享聖誕節真正起源。
《萬王之王》由早前憑金像獎最佳男配角朱栢康詮釋狄更斯一角、更后鄭秀文客串聲演嘉芙蓮、《看我今天怎麼說》嘅小演員鄭進希聲演佢哋嘅兒子華特，而王祖藍則演繹彼得，岑麗香化身馬利亞，孫耀威擔綱約瑟，蔣志光聲演希律王，李璧琦就挑戰伯大尼嘅馬利亞同天使雙重角色。
《萬王之王》靈感源自狄更斯為孩子所寫嘅秘密故事書《聽狄更斯講耶穌》（The Life of Our Lord）。故事講述狄更斯經太太嘉芙蓮鼓勵，用豐富想像力同講故事技巧，同頑皮囝囝華特分享以「原諒」同信仰為主題嘅睡前故事，。
朱栢康指最打動佢嘅係「修補關係」嘅核心課題：「呢部電影唔強迫你信主，而係令你喺動容嘅瞬間，被種下福音種子。」
而客串聲演媽媽嘉芙蓮嘅鄭秀文，因為曾走過人生高低，更明白「謙卑」同「寬恕」嘅可貴。佢提到片中一個令佢動容嘅畫面：「信仰令一家人願意坐低好好分享、慢慢解開心結嘅溫暖契機。希望觀眾入場時，都可以感受到愛同寬恕嘅力量。」
首次為動畫電影獻聲嘅Sammi笑言，過往多數係為真人電影「配自己」，從未試過為動畫角色配音，今次係既新鮮又有趣嘅體驗。數年前領養愛貓「朱麗葉」嘅佢又話，電影中一家人飼養嘅小貓「威威」肥胖又可愛，同華特一齊搗蛋，令故事增添童真與笑聲。
而年僅11歲嘅鄭進希，就以極生動又調皮口吻，完美演繹華特由頑皮小孩到被信仰觸動嘅轉變。仲坦言配音比演戲更具挑戰：「希望每個觀眾都可以遇見電影中那位為他們捨命嘅萬王之王。」