葉念琛嘅愛情電影系列成為無數人嘅經典回憶，不變係每套戲嘅女主角都叫「阿寶」。日前葉念琛喺社交平台擺出一張神秘背影相，預告新一代「阿寶」即將誕生，令唔少網民都估，究竟新阿寶會由邊位女星擔任。
事隔幾日，葉念琛終於開估！原來新一代「阿寶」係由2024年港姐冠軍、有「翻版李嘉欣」之稱嘅倪樂琳（Ellyn）擔任。雖然Ellyn入行時間好短，不過佢形象清新，曾經亦係唱跳女團MORII GIRLS成員，無論唱歌跳舞都難佢唔到，呢套更係佢殺入影壇嘅首部作品，令大家都好期待Ellyn嘅表現！
葉念琛開估新戲女主角身份 倪樂琳接棒做新任阿寶
