柯煒林主演嘅台灣電影《大濛》喺今屆金馬獎勇奪「最佳電影」。新戲日前舉行首映，導演陳玉勳率領一眾演員包括柯煒林（Will）、曾敬驊、方郁婷、9m88、劉冠廷等出席。Will憑呢套戲入圍金馬影帝，雖然最後輸比張震，失落獎項，不過佢話可以參加金馬獎已經好開心，仲親自包咗2場請親朋戚友睇戲。至於陳導演就話，電影奪得「最佳電影」已經令佢心滿意足，亦期望票房可以節節上升，越來越好。
曾敬驊喺呢套戲雖然戲份唔多，但就令人印象深刻。而佢亦喺今屆金馬獎憑另一套戲《我家的事》攞奪得「最佳男配角」，連佢中學老師都為佢感到開心，更喺網上分享佢學生時期嘅班相，令佢都覺得好怕羞啊。
