小鬼42歲生忌生前女友低調追憶 峮峮Post情侶黑超相憑歌寄意

小鬼 黃鴻升 2020年9月因為主動脈剝離猝逝，11月28號係佢42歲生忌，佢生前嘅女朋友峮峮喺社交平台post出一張戴住黑超，抱住狗狗嘅相，雖然冇寫低任何文字，但選用嘅背景音樂卻充滿思念之情。

相中峮峮戴住同小鬼同款嘅情侶黑超，抱住嘅牧羊犬過往都曾經喺小鬼嘅IG出現過，背景歌曲係盧廣仲嘅《太陽與地球》，其中一段歌詞寫到「最渴望的夢是你在等我，轟烈在星空，消散在心中，最難忘的人是永恆地錯過。」似乎憑歌寄意，訴說對已故男友嘅思念。

雖然小鬼已經離世超過5年，但佢生忌當日依然有大批粉絲去到佢IG生前嘅最後一個post留言，祝佢生日快樂兼訴說思念。