林心如、徐若瑄、王陽明等藝人呢日現身一個頒獎典禮，Vivian嘅台北演唱會日前圓滿落幕，不過佢之後被發現手部纏上繃帶，令大家都好關心佢係咪開騷受傷所致。Vivian就話其實自己係想令肺活量提升，所以騷前不停做運動，一星期做足七日而引致筋膜發炎。
Vivian下個月就會登上跨年Show舞台，呢次更係佢久違21年再做跨年表演嘉賓！Vivian仲同大家率先分享新年願望，表示期待出年可以做到一張中文迷你專輯，因為音樂工作可以喺新加坡一邊做一邊湊仔。
而王陽明早前因為體重暴跌10公斤而嚇到即刻做身體檢查，雖然冇公開病因，但佢表示目前已經康復。而佢為新戲角色留鬚換新造型，不過呢個造型就被囡囡嫌棄，日日都被囡囡問，幾時先可以剃鬚，令佢非常無奈！
