紅館個唱肅穆氣氛下揭開序幕 楊千嬅盼以歌聲為災民打氣

楊千嬅 紅館演唱會喺肅穆嘅氣氛下揭開序幕，因應大埔火災事故，早前千嬅已公布演唱會頭場收益及六場嘅週邊產品收益會全數捐出作救災善款，而演出內容除咗作出改動之外，千嬅嘅造型亦連夜作出調整，大部分以黑白色服裝為主。

演唱會開場，千嬅帶領台前幕後及在場嘅歌迷，一齊靜默一分鐘，為火災事故嘅災民，致以最真摯嘅慰問。

相隔7年再踏紅館台板嘅千嬅，呢次開騷嘅心情可以話係百感交集，雖然香港正經歷黑暗時間，但千嬅希望透過自己嘅歌聲傳遞温暖同力量，盼災民可以堅強度過最艱難嘅時候。