上月26號係 趙學而 同 建築師老公 Alan So（蘇國基）嘅結婚14週年，不過因為學而病咗半個月，加上近日嘅新聞，令佢哋都冇心情慶祝，結婚週年都係喺屋企度過。
學而喺社交平台PO出關於11月嘅snap shot，當中表示自己病咗半個月，每日都咳到瞓唔到，有時仲會咳到標尿同氣門痛。
除咗患病外，學而指上月有一位自己都算睇住對方長大嘅妹妹離世，佢喺帖文中寫道：「一個都算睇住佢長大嘅妹離世，睇住新聞，望住啲火，連個心都痛埋，好耐冇試過咁辛苦。」種種原因，令學而嘅結婚週年都係喺屋企同老公簡簡單單食咗餐，佢話而家最想嘅，就係可以快啲好返。
