大埔宏福苑五級火新聞，令全港市民塗上一層傷痛感覺。一向關心時事嘅Sammi鄭秀文，直認過去幾日有一股難以言喻、壓在心頭、悶在心坎嘅感覺，坦言要繼續履行從早到晚嘅拍攝工作，令Sammi感到非常難過慚愧。
Sammi回想喺事發初時，最無助及悲痛之中，自己因日以繼夜拍攝而做唔到啲咩，睇到好多熱心市民親身去現場提供幫助給予愛，自己卻喺拍攝場地咩都幫唔到，Sammi喺網上睇到一則教堂會舉辦災民祈禱會，心知翌日拍攝會去到晚上九點，拍攝當日，佢內心一路忐忑，總希望拍攝快啲完成，早收咗半小時，佢趕去教堂，Sammi指可能見到呢則呼召嘅人並唔多，所以出席人數好少，十幾個人坐喺教堂中顯得疏落，但並唔重要，同心更重要。
Sammi喺一個多小時嘅祈禱會裏，大家同心禱告，喺淚水中喺祈禱，把無助化成祈禱嘅力量，喺心願紙上寫上佢哋對災民同消防醫護嘅祝禱，完成咗祈禱會，Sammi帶住沉重無助，翌日繼續拍攝工作，喺途中竟然收到有出席嘅陌生主內姊妹嘅私訊，兩人彼此分享咗一啲感受，謝謝呢份愛。
Sammi透露目前心情仍係好沉重，心頭仍然壓着很沉重嘅烏雲，「說不出的，像壓在喉頭」。Sammi表示會繼續默念受災受傷及失去嘅人，能夠搵到重新站起來嘅力量及據點，「相信不容易，但期盼愛是力量，但願時間幫忙所有人療傷」。