大埔宏福苑五級世紀火災，造成多人傷亡，唔少市民自發到現場派物資支援，亦有市民去到廣福道休憩處，為火災罹難者獻花悼念，當中包括藝人樊亦敏及黃建東。
三太同東東亦分別喺社交平台發文致哀，三太簡單表達「Rest In Peace」，同時亦呼籲大家幫手留意於火災後未被尋獲嘅寵物。而東東就感觸表示自己喺廣福公園遙望災場，突然悲從中來決堤崩潰，心情非常沉痛，但亦感受到香港人濃濃嘅愛同團結精神。東東感嘆人生無常，有時甚至太無情，不過喺悲痛過後，未來嘅日子要好好活在當下，好好珍惜每一日同身邊每一位，唔好畀自己有任何後悔機會，佢亦盼罹難者可以安早登極樂，家屬們節哀順變。
