張與辰 呢日現身Band房為月底嘅跨年Show進行綵排，呢次更係與辰第一次喺香港跨年以及同歌迷迎接新年，所以佢嘅心情都非常期待！與辰就話，2025對自己係好重要同好美好嘅一年，亦有好多值得收藏嘅回憶，所以可以同大家過今年最後一日，佢都相信明年會更好！
講到嘉賓陣容，與辰大賣關子，話未講得係邊位歌手，但係佢就派咗線索畀大家，話對方係有肌肉嘅！
為咗個唱，與辰精心安排歌單，仲預告會有自彈自唱同唱跳部分。雖然今年出咗《Novara》呢首唱跳歌，但自己最愛都係動中有靜。不過有一件事佢話一定要提，就係呢次嘅音樂總監由杜自持擔任，所以好多歌都改編得好正，務求令歌迷享盡視聽盛宴。
除咗演出部分吸引，與辰大爆歌衫吸睛，但問到有冇機會Show下身材？與辰就話睇過歌衫，暫時未睇到可以Show嘅部分，但自己會Keep住操肌，萬一有呢個機會就可以Show下。
