TVB台慶劇《新聞女王2》中，何廣沛（Matthew）飾演嘅潘志傲面對人生抉擇，喺工作同感情上，身為「床寶」嘅佢決定行出重要一步，主動向Man姐文慧心提出分手。呢段分手畫面，除咗Matthew情深演繹，佘詩曼嘅深情對望，睇到唔少觀眾好抽心。
Matthew憶述呢幕飛Man姐嘅劇情，話床寶仍然愛Man姐，被問到Man姐係咪鍾意「床寶」時？Matthew就避談Man姐，受訪時只透露：「唔重要，床寶只係鍾意付出。」
呢幕抽心劇情播出後，Matthew再喺社交平台剖白內心感覺：「有些愛不是不愛了，只是到了該放開的時候。我們都懂對方的驕傲，誰都不願先低頭。原來，成長就是學會微笑著告別。分手這場戲，沒人演，可偏偏，比任何新聞都真。」
