TVB台慶劇《新聞女王2》夏文汐飾演嘅阮雪君霸氣亮相，身為佘詩曼飾演文慧心嘅養母，同時係一位傳奇新聞從業員。劇集交代Madam雪君身兼文慧心嘅養母，甚至帶住囡囡向出採訪突發新聞，當中演繹年青版Madam嘅蔡潔，出場造型非常Cool，皮褸鐵騎Look現身車禍現場，眼神堅定拍下意外現場畫面，完美銜接夏文汐飾演嘅Madam感覺。
劇中飾演文慧心童年嘅小演員Ashely，亦分享自己跟Jacky姐姐拍攝點滴，佢話Jacky姐姐係小文慧心嘅養母Madam，亦係佢嘅契媽媽，呢個名係導演改嘅。Ashely讚Jacky姐姐講嘢好溫柔、好斯文同埋好靚。
憶述坐電單車出場一幕，Ashely話：「拍呢場拍得好有型，我第一次坐電單車，開頭都真係有啲驚。因為過程中真係要揸，好彩有關文深監製親自落場試位，又同佢講笑先唔驚。」最後Ashely仲主動話想坐多次。
