羅暎錫PD、金藝瑟PD，以及李壽根、殷志源、Super Junior成員圭賢出席新綜藝記招。喺節目中李壽根、殷志源、圭賢遠赴非洲肯亞，展開一段爆笑嘅野生大冒險。
三兄弟嘅化學反應一出場就與眾不同，喺發佈會上，三言兩語已經笑到爆肚，殷志源話知道呢部作品係面向世界觀眾，佢當堂覺得壓力倍增，好擔心世界各地觀眾會有咩評價，又擔心佢哋即興嘅笑話，觀眾唔會睇唔明。
節目公布同時，首批預告已經喺各大平台推出。其中圭賢同長頸鹿嘅親密接觸，一上線已被推上話題熱搜。唔講唔知原來當事人係睇到條片，先知道呢個美好畫面變成咁，唔知好嬲定好笑呀。
