汪明荃現身會展投票站 甄子丹盼新一屆議員能推動電影業

今日（7號）係立法會換屆選舉嘅日子，唔少選民響應政府呼籲齊來投票，履行公民義務，阿姐汪明荃亦喺下午時段，現身位於灣仔會展嘅選舉委員會界別投票站投票。

身穿卡奇色長褸嘅阿姐，投票之後，手持獲派嘅感謝卡嘅票站外打卡留念，並呼籲選民同佢一樣，記得投票，選出心水嘅立法會議員，唔少網民留言都話支持阿姐。

另外唔少圈中人亦呼籲大家齊投票，當中甄子丹亦於下午現身會展票站投票，佢接受訪問時表示，希望新一屆議員能推動電影業嘅發展。而霍啟山、楊明、汪詩詩等亦有PO相呼籲大家去投票。