台慶劇《新聞女王2》中掌握住SNK命脈嘅方太方羅麗嫦，永遠喺鏡頭前都運籌帷幄，看透所有人和事，而飾演呢個角色嘅龔慈恩，日前喺社交平台分析方太嘅人生歷程「第一輯的方太總是在一個安泰自信的狀態！奈何第二輯，她變得有點不安……天時地利人和！沒有永遠的高處，也沒有永遠的低谷！人總要接受放下，面對。」
喺劇集中，龔姐係成功女性，而喺現實生活中，佢就係成功母親，育有一對仔女嘅佢，事業家庭兩兼顧，囡囡 林愷鈴Ashley 唔只遺傳咗佢嘅美貎，仲係一名高材生。
三年前修畢港大「建築系」學士課程嘅Ashley，開心分享用咗兩年時間修畢English literature and linguistics（英語文學與語言學）碩士課程。Ashley話好多人都好奇佢點解揀文學修讀，佢嘅答案係純粹出於「我喜歡」。
Ashley細心分析見解「以前的我，會覺得文學就是藝術，是浪漫表達，是庸常生活的調味劑。而今卻愈發覺得，讀文學是為了保持清醒——讓我依然相信，有些東西值得追尋—— truth, beauty and civility。」
佢又憶述三年前學士畢業時，曾戲言引用一句「學海無涯，回頭是岸。」如今，佢並沒有回頭，唯有繼續往前游。
