佘詩曼同黃宗澤作客全新節目《一周星星》，主持 區永權 問到佢哋若果可以抺走一段演出嘅黑歷史，佢哋會想揀邊一段？阿佘二話不說就哼咗句歌詞「鳴啦啦」，身旁嘅Bosco一臉驚訝對方竟然有唱過兒歌，阿佘即叉腰指自己首《星星的加冕》拎過兒歌冠軍歌。
笑到失控嘅阿佘仲主動講番首歌MV造型，佢話當時梳咗個中間分界頭，身穿傳統韓服，心諗呢個造型得唔得，但因為趕住之後拍戲，就急急入廠拍MV。
Bosco話初入行時，擔任《2000年度香港小姐競決賽》表演嘉賓，聯同林峯同鄧健泓以一身搽滿金粉造型上台唱歌跳舞，佢形容似「金粉餅」。講到《2008年度十大勁歌金曲頒獎典禮》中，被抽中跟陳奕迅合唱《K歌之王》，Bosco唔覺得係黑歷史，只係唔好彩。想睇更多就要留意《一周星星》！
《一周星星》12月7號起，逢星期日 翡翠台 22:00 播出
