佘詩曼 Charmaine Sheh 同 黃宗澤 作客全新節目《一周星星》，兩人爽直與主持 區永權 互動，甚至對平日甚少談及嘅感情話題，兩人都毫無保留。阿佘直認對愛情處開放態度，因為佢覺得愛情係好正，能夠滋生滋養生命。
問到Bosco若有日打開新聞見到阿佘結婚，佢會覺得新郎係咩人？鬼馬嘅Bosco笑言：「植物人，邊個頂得住阿佘個氣勢、氣場。」講到若果現實中出現Ivan BB，阿佘又接唔接受到個年齡差距？阿佘突然尷尬話：「我唔知呀！未試過呀！」Bosco就偷笑話好少見阿佘個尷尬樣。之後阿佘亦有大方分享擇偶要求，佢覺得兩個人溝通到係最重要。
換轉當阿佘打開新聞，見到Bosco結婚，又會覺得新娘係咩人？阿佘話一定係靚女。Bosco就話自己反而係鍾意有個性嘅女仔，並非傳統美女，不過最重要都係先搞得掂黃媽媽先，過唔到奶奶關，就乜都唔使諗。想睇更多就要留意《一周星星》！
《一周星星》12月7號起，逢星期日 翡翠台 22:00 播出
