佘詩曼 Charmaine Sheh 同 黃宗澤 作客全新節目《一周星星》，喺台慶劇《新聞女王2》中，兩人分別飾演嘅 Man姐文慧心 同 Kingston古肇華，不時要針鋒相對，尤其越近尾聲時，爭拗更越趨激烈，佢哋憶述一幕喺SNK會議室爭拗場面，拍完成個感覺係好正。
劇中，Bosco完美示範「口賤到極致」，佢笑言若果殺人係唔犯法，佢應該已經死咗。不過阿佘話唔想佢死，反而係要一刀一刀令Bosco痛不欲生，因為成個角色係Bosco本色出演。對於有網民覺得Kingston應該落地獄，咁究竟要落幾多層地獄？Bosco就話應該要整多十幾層地獄招呼Kingston，阿佘仲話每一層要留十年，Bosco指阿佘出錢加建多兩層地獄畀佢。
開拍《新聞女王2》時，好多人都覺得阿佘會有好大壓力，但佢覺得壓力唔喺佢度，反而係喺編劇度，阿佘又講到唔少人覺得Man姐今輯冇上一輯咁有氣場，原來背後係佢花心思去塑造另一個感覺嘅Man姐，想睇更多就要留意《一周星星》！
《一周星星》12月7號起，逢星期日 22:00 播出
