台灣組合棒棒堂嘅合體之路可以話係一波多折，繼威廉同小杰被揭逃兵役、王子（邱勝翊）陷偷食人妻後，棒棒堂成員小煜（楊奇煜）於8號突然爆出離婚消息！
小煜與老婆言言結婚5年並育有兩子，二人一直表現得相當恩愛，故小煜突然於社交平台宣布離婚消息時，震驚不少網民。佢喺帖文中寫道：「一直以來關心我的朋友們，想和大家分享我最近生活的改變，我和言言在今年 9 月平和地告別了婚姻關係。」
小煜指呢個係同言言深度對話、理解與沉澱後一齊做出嘅決定，佢指雖然二人嘅關係形狀改變咗，但佢哋對小朋友嘅愛係冇變，未來將共同撫養兩個囝囝，而佢哋亦會將家人形式繼續互相扶持：「這段過程讓我們學會放下執著也學會以更柔軟的方式看待人生，有些故事不必用『結束』形容，只是換了一種讓彼此更舒服的方式陪伴彼此。」而為咗唔影響家人嘅生活，關於家人嘅問題小煜表示之後唔會再作回應。
