繼美國歌手Katy Perry於10月迎嚟41歲生日當天，跟加拿大前總理杜魯多（Justin Trudeau）公開拖手後，Katy Perry最近喺日本舉行演唱會，日前佢忽然喺社交平台貼出與杜魯多甜蜜互動嘅影片，兼大曬面貼面嘅微笑自拍照，首度大方放閃。
Katy Perry早前喺逾2億粉絲嘅社交平帳號發布一系列日本演唱會之旅嘅點滴，並配文「東京演唱會之旅及更多」（tokyo times on tour and more ( ◠‿◠ ) 🎄🍣🐡🥞💐☃️♥️），見二人一齊喺東京食日本菜，當Katy Perry食壽司時，杜魯多冧爆望向女方，又結伴一齊睇藝術展覽、觀賞相撲賽等。
而杜魯多上周四（4日）喺X轉發一張與緋聞女友Katy Perry及日本前首相岸田文雄夫婦嘅合照，四人相約喺東京共進午餐，杜魯多寫道：「很高興見到你，Katy與我好高興有機會與你及裕子夫人見面。」 杜魯多疑藉此對外「確認」兩人情侶關係。
Katy Perry與杜魯多過去數月一直未有公開談及呢段新戀情，二人於今年7月被影到撐枱腳食晚餐，杜魯多喺兩日後現身Katy Perry演唱會，深情演唱歌曲《Firework》，兩人首次公開亮相，於Katy Perry生日當天，喺巴黎睇完歌舞表演後，甜蜜牽手漫步。
杜魯多於2023年8月宣佈正式與與結婚18年嘅妻子蘇菲分居，並簽署法律分居協議，聲明強調二人仍係一個親密家庭，將共同撫養三個孩子，而分居係經過多次艱難對話後作出嘅決定，杜魯多回復單身，最近疑跟Katy Perry正蜜運中。
