TVB前天氣主播黃婉曼孖龔嘉欣拉頭馬 見證馬主老公愛駒「飛雲」獲勝

TVB前天氣主播黃婉曼（Icy）2014年嫁畀會計師兼馬主馮柏基，婚後育有兩女，前日黃婉曼老公愛駒「飛雲」喺沙田馬場出戰第二場五班泥地千二米，贏得在港首場頭馬，黃婉曼即喺社交平台分享喜悅。

黃婉曼喺社交平台分享多張照片，見好友龔嘉欣當日到場打氣，賽事勝出後一齊拉頭馬影大合照， 佢上載昔日去馬場支持「飛雲」嘅照片，指等咗呢日好耐，同時為愛駒感到驕傲，亦多謝支持過飛雲嘅馬迷朋友。據知「飛雲」在港出戰十九場，今次終獲勝！