莊思敏坦言無生育計劃 鄧智堅喜見飛爺一角受歡迎

莊思敏、黃子恆、鄧智堅、李思雅等人呢日參與一個匹克球冠軍賽，呢排Jacqueline雖然忙住拍新劇《璀璨之城》，但係一空閒都會抽時間練下波，佢指雖然老公仔間中都會陪自己打，但就投訴老公對佢要求嚴格。至於講到生小朋友？ Jacqueline直言無呢方面計劃，指生小朋友太大責任，現階段都未ready去照顧小朋友。

黃子恆同鄧智堅呢日都有落場一較高下，見佢哋有姿勢有實際，仲以為佢哋好有經驗，但原來佢哋只係打過幾次匹克球咋！不過講到佢哋同一眾藝人組成嘅網球A Team，佢哋就話既可以藉此鍛煉身體，又可以同大家聯誼，真係一舉兩得呀。

鄧智堅唔只球技了得，演技亦都無容置疑，好似佢喺《新聞女王2》入面飾演嘅飛爺，幽默得嚟，仲被網民封為爛Gag之王，智堅就好開心角色有咁大迴響，因為佢的確花咗好多時間去塑造呢個角色，同時佢亦慶幸同拍檔之間嘅密契非常好。