吳尊同林德信現身澳門出席一個網球賽事活動，佢哋仲有幸夥拍兩位頂級職業球星李娜同黃澤林落場作名人精英表演賽，經過一輪對戰，最後由吳尊同李娜一隊勝出。賽後吳尊指李娜係畀到安全感拍檔嘅球手，同佢拍擋係享受。佢又笑指黃澤林係讓賽，令球賽添開心氣氛，感謝黃澤林。
吳尊稍後會跟粉絲聚會慶祝出道20周年，當被問到同汪東城等舊拍檔，有冇計劃開騷時，佢就持開放態度指一切隨緣，因為以往有太多演唱會嘅回應，每次睇到相關視頻都好感動。佢又話小朋友未睇過佢哋開騷，若果有機會讓小朋友參與係開心事，但都要等大家有機會聚會去傾。
Alex自細就跟爸爸學打網球，今次能夠圓夢同黃澤林一齊打波，佢都覺得係好難得嘅機會。佢又話喺場上接李娜嘅發球，真正感受到職業球手嘅威力。Alex又笑言當第一局取分獲勝後，當刻心情係可以離場，因為已經好有滿足感。
