TVB台慶綜藝節目《帶阿姐看世界》由 羅家英 壓軸帶愛妻 汪明荃 溫馨共遊不丹，呢次家英哥帶太太走入不丹、除咗一償與阿姐補拍結婚照嘅心願外，更公然耍足全程花槍。
myTV SUPER睇《帶阿姐看世界》
簡單買手信行程環節，已感受阿姐與家英哥夫妻生活日常嘅歡樂，阿姐見到隻杯想要，家英哥主動話買畀阿姐，但係阿姐堅持自己畀錢，家英哥笑指自己畀咗錢阿姐袋住，呢啲叫自動獻「薪」，仲自豪問「我係咪一個好合格嘅老公呢」，阿姐見狀即搞笑窒老公！
二人喺旅行期間全程拖到實一實，上車落車時，家英哥更搞笑地向「太后請安」，恩愛度不輸熱戀中嘅情侶，此外，家英哥亦化身「專屬攝影師」，幫太太拍出最靚畫面，充分展現對老婆嘅體貼與愛護。
