韓馬利（Mary姐）與丈夫杜燕歌近年移居中山過半退休生活，喺當地花費百萬買樓，日前Mary姐被發現喺中山行超市，71歲Mary姐當日打扮隨意，四圍行挑選食物及日用品，而老公就負責推購物車，兩公婆全程唔多嘢講，但二人好有默契，果然圈中模範恩愛夫妻！
另有網民見到Mary姐與老公杜燕歌喺中山一間餐廳睇餐牌食飯，傾食咩都係有商有量，可見杜燕歌非常愛妻。 Mary姐於1989年與TVB配音員杜燕歌結婚，婚後曾移民澳洲，Mary姐曾不幸流產，其後二人協議不生育，後嚟認許紹雄女兒許惠菁為契女。
Mary姐於2019年曾因腦膜炎險死，一度昏迷住院數星期，幾近瀕死邊緣，體重大跌十幾磅，因而引發情緒病，Mary姐留家休養期間，老公杜燕歌一直悉心照顧，Mary姐近年大幅減產，轉戰社交平台拍片，兩公婆經常有影皆雙。
