蔡楓華又準備開show啦，相隔9個月，阿Ken將會再次重踏舞台連開兩場演唱會，所以呢排佢都密鑼緊鼓落力練歌。阿Ken指自己狀態好好，仲解釋自己一年開幾次演唱會，係因為佢一直都攞唔到紅館檔期，所以只可以以呢種模式去開show。
忙完12月呢個show後，阿Ken明年年頭就要去美國開演唱會，話晒闊別美加超過10幾年，阿Ken都話好期待，佢話相信當地嘅歌迷都仲記得自己，至於會唱咩歌答謝大家嘅支持？佢就話《絕對空虛》、《倩影》、《也許》、《十年》、《愛不是遊戲》呢啲經典歌，一定會都走唔甩㗎啦。
雖然咁忙，但阿Ken 一直都心繫TVB，佢話直到而家都覺得自己仍然屬於TVB，所以覺得自己一直都無離開過TVB。佢又自爆係《#中年好聲音》嘅fans，所以好希望節目會長做長有，佢亦大讚一班中聲唱將有實力，問到想唔想將來有機會同中聲唱將合作？阿Ken就謙虛表示中聲唱將水水準太高，自己無法高攀。
